Jean Samuel Durette

Jean Samuel Durette se yon biznisman Ayisyen, propriyetè "Ti Zanmi Bar & Restaurant", yon manb orijinal Klikeya e ki pasyone de mizik ak desen. 

Li fèt 20 Janvye 1983 (38 an) nan komin Kafou-Fèy, Pòtoprens. Li ap viv ak madanm li e 2 bèl pitit ki se tout fyète li. 

Lekòl Klasik

Li fè preskolè li nan lekòl "Sainte-Marie des Anges" (1986), epi li fè primè jiska 3èm ane segondè li nan " Collège Coeur de Jesus" (1989), ki sou Chanmas bò Antigang. 

Apre li travèse nan "Collège Vision Caribéenne" ki sou Dèlma kote li pral fè segond jiska filo (2006). 

Li te toujou vle vin yon jesyonè kidonk li al enskri nan inivèsite Ruben Leconte (2007), li pase 2 ane la men li pa rive boukle etid yo.

Pakou Profesyonèl

1ye kote li travay se te nan Tel Info (2007) kòm ajan sèvis resepsyon telefòn. 

Li te konn travay lajounen kou nan nwit, li te konn di: 

" travay nan nwit sa se yon problèm, dèfwa w'ap veye pou fè yon ti kabicha epi se lè sa pou telefòn lan sonnen. Lè ou di Alo Tel Info pour vous servir ou tande Alo Tel Info où est mon mari? ". 

Apre 1 an li kite travay sa pou ale nan "PAP Securité" (2008) kote li te travay kòm operatè radyo, li te responsab tout ajan Unibank, Unitransfer ak Capital Bank yo. 

An 2015 li vin travay pou "JCI Avaition Services" kòm ajan kontwa ak operatè anbakman pou "Jetblue Airways" jiska ane 2019.

1e Oktòb 2019, li kòmanse travay pou "Premium Apparel S.A." kòm asistan direktè resousimèn pandan 1 an. An 2020 li pran yon sètifika nan "Inivèsite Atlantic Florida (FAU)" pou ospitalite ak jesyon touris.

Talan

Sam se yon moun ki abil anpil nan kominikasyon e li gen yon talan pou remonte moral moun ak blag ak bèl istwa. A kote de sa li gen yon pasyon pou desen ak ti komik ke li pa trò renmen pale de li men si ou gade desen li fè ou ka wè yo pale pou tèt yo.

Biznis

12 Desanm 2014 li inogire 1ye biznis li "Ti Zanmi Bar Restaurant" nan zòn Mayi Gate, ki te renome paske li sèvi bon resèt Kreyòl. Yo te konn fè bwason orijinal ak bon manba lakay tou.

Apre li vin demare ak "Bon Zanmi Production" ki fè 1ye program li 30 Me 2015 nan lokal "Doctor B Paradise" nan Klèsin kite yon siksè e anpil moun te pale de li, te gen plizyè DJ ak Atis tankou DJ Mayko, Dobèl ORS.

Sam se yon Ayisyen ki renmen peyi li ak kilti li, li se youn nan 1ye manb Klikeya e ki kontribye anpil avèk atik li ekri sou kizin ak lòt bagay.

Si ou vle gen yon profil konsa tou pou plis moun ka dekouvri sa ou konn fè oubyen pou biznis ou, kontakte Klikeya nan klikeya.ht@gmail.com nou ap trò kontan pou di ou kòman ou menm tou ou ka gen yon paj konsa pou kole sou profil rezo sesyo yo.