Ti Detay Nou Ka Pa Konnen avèk Stanley

Lè m' fèk pantan sou foto sa yo, m' te panse se Photoshop wi timoun. 

Kòm mwen se yon nèg ki kwè nan rechèch, lè m' al fè sa mwen reyalize se yon LAK WOZ ki trouve l' nan peyi Senegal.   

Lak sa woz konsa a koz yon alg ki pouse nan dlo a ki rele Dinalyela Salina e fòk mwen mansyone tou ke se pa sèl lak sa ki gen fenomèn sa.

Vrè non li se "Lak Retba" li se youn nan sit ki plis vizite nan Senegal. Dlo a gen yon konsantrasyon sèl ki elve anpil (jiska 40%), abitan yo te kòmanse eksplwate sèl ki ladan l' lan depi an 1970. 

Li gen 3 KM kare sipèfisi, 4.2 KM longè, ak 1 KM lajè epi 3 M pwofondè.  

18 Novanm 2005 yo te voye yon dosye nan UNESCO nan ide pou enskri li nan lis patrimwàn Mond lan. Ta sanble kontinan Afriken an pi rich ke jan m' te panse a. 

Gen peyi m' konnen si se yo ki te genyen lak sa lakay yo, se pa lajan yo t'ap fè avèl ankò. 

Bon brèf kisa nou panse? Kite yon kòmante, di nou si ou te konn lak sa ak ki lòt sit spesyal ou konnen nan Mond lan ankò.

Chak jou Klikeya ap resevwa atik sou yon varyete sijè an Kreyòl, ou kapab soumèt atik pa ou tou sou klikeya.ht@gmail.com, swiv ak pataje nou sou tout rezo yo. Chaje lòt bèl atik toujou pou ou li ak pataje avèk zanmi ou yo.

Mwen se Stanley, ou ka jwenn mwen sou Facebook ak Instagram